Неймар келаси мавсумни қаерда бошлашини аниқ айтди

Оғир жароҳати туфайли ўтган мавсумда “Ал-Ҳилол”га деярли ёрдам бера олмаган Неймардан журналистлар ёзда “Сантос”га қайтиши ҳақидаги гапларга ойдинлик киритишни сўради.

- Буни ҳеч қандай имкони йўқ. Ҳаммаси миш-миш. “Ал-Ҳилол” билан яна бир йллик шартномам бор. Мен “Сантос”ни қўллаб-қувватлайман, қачонлардир қайтим мумкин, лекин ҳозир бор эътиборимни “Ал-Ҳилол”га қаратганман.

Келаси мавсумни шу жамоа юқори савияда, энг муҳими, жароҳатларсиз ўтказмоқчиман, - деди Неймар.

Неймар ўтган ёз ПСЖдан “Ал-Ҳилол”га кўчиб ўтган эди. Барча турнирларда бешта учрашув ўтказиб, битта гол ва учта ассист қайд этган.

2023 йилнинг октябрида Бразилия терма жамоа сафида оҳир жароҳат олган футболчи ҳали ҳам майдонга қайтгани йўқ.