Неймарни олиб келмасак бўлмайди!

АҚШ чемпионатида иштирок этаётган “Интер Майами” хўжайинларидан бири Хорхе Мас жамоа таркибини жаҳон даражасидаги юлдуз билан кучайтиришга қарор қилди.

Клуб раҳбарияти бу борада “Ал-Ҳилол” форварди Неймарга кўз тикаётгани маълум бўлди.

- Муҳим жиҳат шуки, агар Неймарни олиш имкони юзага келса, бу трансферни амалга оширишимиз мумкин. Ҳозир Неймар “Ал-Ҳилол” ўйинчиси.

Мен ҳар доим жамоамизга жаҳон даражасидаги ўйинчиларни жалб қилишга ҳаракат қиламан. Таркиб жиҳатидан жойимиз кам, лекин бюджетимиз янги юлдузларни олишга етади.

Агар Неймардек ўйинчини таклиф қилиш имконияти туғилса, иккиланиб ўтирмай уни оламиз. Бу фақат менгагина боғлиқ эмас. Бу лига ва футболчининг ўзига ҳам боғлиқ масала. Биз эса, зўр таркиб тузиш ҳаракатидан тўхтамаймиз, - деди Хорхе Мас.