Неймарнинг "иштаҳаси карнай"

"Ал-Ҳилол" юлдузи Неймар Жуниор 2026 йилда бўлиб ўтадиган навбатдаги жаҳон чемпионатида иштирок этишни истаётганини тан олди.

"Ҳеч шубҳа йўқки, жаҳон чемпионати ҳар бир футболчининг мақсади. Мен турнирда уч марта иштирок этганман, тўртинчи бор ўйнашни хоҳлайман", - дея Неймарнинг сўзларини келтирди "RMC Sport". Бразилиялик футболчи бор эътиборини ўз мақсадига қаратиши ва жаҳон чемпионатига яхши формада ёндашиши кераклигини таъкидлади.

Эслатиб ўтамиз, навбатдаги мундиал АҚШ, Канада ва Мексикада бўлиб ўтади. 32 ёшли Неймар Бразилия терма жамоаси сафида 128 та ўйин ўтказиб, 79 та гол урган ва 59 та голли узатмани амалга оширган.