Ниҳоят "Сити" "Наполи" билан тил топишди

"Манчестер Сити" ва "Наполи" ҳимоячи Калиду Кулибалининг трансфери масаласида келишувга эришишга яқин турибди.

La Gazzetta dello Sport нашри тарқатган хабарга кўра, “шаҳарликлар” 29 ёшли сенегаллик футболчи учун А Серия грандига 75 млн евро тўлашга тайёр. Катта эҳтимол билан бу “Наполи”ни қаноатлантириши мумкин.

Кулибали “Наполи” сафида 2014 йилдан буён тўп суриб келмоқда. У ўтган мавсум А Серияда 25 та ўйинда майдонга тушди. Унинг клуб билан амалдаги шартномаси эса 2023 йилга қадар имзоланган.