Николоз Басилашвили рақибини додини берди

Грузиялик теннисчи Николоз Басилашвили Монреал шаҳрида эркаклар ўртасида ўтаётган мусобақанинг илк босқичида ғалаба қозонди.

Николоз кескин ва муросасиз ўтган "Мастерс" туркумидаги мазкур турнирда сербиялик Душан Лайовичга қарши кортга чиқиб, якунда 3:6, 6:4, 6:4 ҳисобида зафар қучди.

Шу тариқа "Rogers Cup"нинг иккинчи даврасига чиққан Басилашвили, энди германиялик Ян-Леннард Штруффни синовдан ўтказади.