Нил Мэгни: "Бажонидил, Гэррини отаси каби шапалоқ уриб катта ҳаётга тайёрлаб қўяман!"

Нил Мэгни: "Бажонидил, Гэррини отаси каби шапалоқ уриб катта ҳаётга тайёрлаб қўяман!"
Ярим ўрта вазннинг ҳақиқий ветеран жангчиларидан бири америкалик Нил Мэгни (28-10) қисқа муддат ичидан жароҳатланган Джефф Нилнинг (15-5) ўрнига ирландиялик Иэн Мачадо Гэррига (12-0) қарши шу ҳафта сўнггида бўлиб ўтадиган UFC 292: Sterling vs. O'malley турнирида жанг қилади. Мэгни турнир олдидан ташкил этилган медиа-кунда ушбу жанг бўйича фикрларини билдириб ўтди:
"Менда баҳоналар йўқ. Шусиз ҳам бу турнирда жанг қиладиган Остин Хаббард билан машғулотлар ўтказаётгандим. Жангни таклиф қилишганида эса ўйлаб ўтирмасдан ҳам рози бўлдим. Биласизки, бу менинг биринчи родеоим эмас. Мен олдин ҳам Гэрри каби мағлубиятсиз ва кучга тўлган бир нечта жангчиларни мағлуб қилганман. Менинг тажрибам у учун жиддий бош оғриғи бўлади. Бу умуман даражалар тўқнашуви бўлади. Кичик синфда катта синфдагилар танобингни тортиб қўйгани каби. Ёки бу жангни бемалол ота-бола баҳси десак бўлади. Мен унга шапалоқ тортганча айнан нималарни хато қилаётганини тушунтираман ва унга ўсиши учун нималар қилишини аччиқ услубда тушунтириб ўтаман. Бу ишни фахр билан амалга ошираман!"