Нодирбек Абдусатторов: "Бу — бўрон олдиданги сокинлик"

Ўзбекистоннинг биринчи рақамли шахматчиси Нодирбек Абдусатторов TePeSigeman шахмат турнирида 3-ўринни эгаллади.

Ҳамюртимиз мусобақа бошида ғалаба қозонганидан сўнг, у кетма-кет олтита ўйинда дуранг қайд этди. Абудсатторов ўзининг ижтимоий тармоқдаги саҳифасида ушбу мусобақа ҳақида фикрларини билдирди.

"Мальмёдаги TePeSigeman шахмат турнирида 3-ўринни эгалладим. Мен истаган натижа бўлмади, аммо олдинга ҳаракат қилишда ва хатолардан сабоқ олишда давом этамиз.

GOAT’га табриклар! У яна бир бор классик форматдаги кучини исботлади. Мен эса меҳнат қилишда давом этаман. Бу — бўрон олдиданги сокинлик", - деди ўзбекистонлик спортчи.