Норвегиядан зўр ўйинчилар чиқяпти! Манчестерликлар 15 ёшли вундеркиндга чизиқиб қолди

«Манчестер Юнайтед» норвегиялик ёш иқтидор эгаси, «Волеренга»нинг 15 ёшли фланг ҳужумчиси Габриэл Райковичга қизиқиш билдиргани хабар қилинмоқда. У инглиз клубини тарк этиш истагида бўлган Жей-Джей Габриэл ўрнини босиши мумкин. Бу ҳақда The Sun нашри ёзди.

Манбанинг маълум қилишича, «Манчестер Юнайтед» бир неча вақтдан бери Райковичнинг ўйинларини кузатиб келмоқда. Якшанба куни клуб скаути махсус равишда Ослога бориб, «Волеренга» – «Фредрикстад» учрашувини жонли томоша қилди.

Габриэл Райкович яқинда Норвегия чемпионати тарихидаги рекордни янгилади: у Эрлинг Холанддан ҳам ёш ҳолда гол урган футболчи сифатида тарихга кирди. У асосий жамоа сафида дебютни жорий йил январь ойида, 14 ёшида амалга оширган. Ўтган ой эса у биринчи голини урди – ўша пайтда футболчи 15 ёш 166 кунлик эди. Жорий мавсумда у 14 ўйинда майдонга тушиб, 2 та гол ва 1 та голли узатма муаллифи бўлди.

Райкович «Волеренга» билан 2028 йил декабригача мўлжалланган шартнома билан боғланган. Клуб унинг трансфери учун тахминан 18 миллион евро атрофида тўлов талаб қилиши мумкин. Амалдаги қоидаларга кўра, футболчи хорижий клубга фақат 16 ёшга тўлганидан сўнг ўта олади. Райкович 16 ёшга 2027 йил февраль ойида тўлади.