Нойер билан рақобатга бардош беролмаган посбон бошқа жамоага ўтади
Унга харидорлар ҳам тайёр.
“Бавария” дарвозабони Александр Нюбель яқинлашиб келаётган ёзги трансферлар даврида жамоасини ўзгартириши кутилмоқда. Бу ҳақда германиялик инсайдер Флориан Плеттенберг ўз твиттер саҳифасида маълум қилди.
Юқоридаги манбага кўра, 24 ёшли немис посбони учун Европанинг икки клуби кураш бошлаган. Уларнинг бири “Боруссия” Дортмунд бўлса, иккинчиси “Монако”.
Нюбель “Бавария” сафига ўтган ёз “Шальке”дан эркин агент сифатида келиб қўшилган эди. Нойердек афсонавий дарвозабон билан юзага келган кучли рақобат сабаб, у жорий мавсум бор йўғи 2 та ўйинда иштирок этди ва ўз дарвозасидан 3 та гол ўтказиб юборди.
Transfermarkt портали Александрнинг айни дамдаги трансфер нархини 6,5 миллион еврога баҳоламоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар