Ўзбекистон футбол ассоциацияси мундиал чипталари бўйича айбловларга жавоб берди

2026 йилги жаҳон чемпионати  миллий терма жамоани қўллаб-қувватлаш учун Ўзбекистондан борган футбол ишқибозлари  мундиал ўйинларига билетлар нархи кескин ошириб юборилгани бўйича шикоят қилмоқда. 

Ижтимоий тармоқларда тарқалган маълумотларга кўра, Ўзбекистон терма жамоаси иштирок этган ўйинларга расмий нархи 200–400 доллар бўлган билетлар қайта сотувда 900 доллардан 2 минг долларгача таклиф қилинган. Натижада кўплаб мухлислар стадионга кира олмагани айтилмоқда.

Ўзбекистон футбол ассоциациясининг (ЎФА) тушунтиришича, билетлар савдоси тўлиқ ФИФА назоратида бўлган, гуруҳ босқичи учун расмий нархлар эса 140 доллардан 700 долларгача этиб белгиланган.

ЎФАга кўра, ФИФА қоидалари эгаларига билетларни расмий Resale Platform платформаси орқали қайта сотишга рухсат беради. Шу боис ассоциация бу жараённи тақиқлаш ёки тўхтатиш ваколатига эга эмаслигини таъкидлаган. 

Шу билан бирга, мухлислар билетларни жуда юқори нархларда қайта сотишда маҳаллий блогерлар ва футбол тузилмаларига алоқадор айрим шахслар иштирок этган бўлиши мумкинлигини айтишмоқда. 

Манбалардан баъзилари анонимлик шартида маълум қилишича, ЎФАга боғлиқ тузилмалар ходимлари ўйин куни билетларни 1500 долларгача бўлган нархда таклиф қилган ҳолатлар ҳам кузатилгани айтилмоқда.

Аввалроқ ФИФА ўзбекистонлик мухлислар учун тахминан 14 мингта билет ажратгани маълум қилинган эди.

Эслатиб ўтамиз, 2026 йилда АҚШ, Мексика ва Канадада ўтган тарихий дебют жаҳон чемпионатида Фабио Каннаваро бошқарувидаги Ўзбекистон миллий терма жамоаси "K" гуруҳида иштирок этди. Жамоа плей-офф босқичига йўл ололмади ва гуруҳда тўртинчи ўринни эгаллади. Гуруҳ босқичида терма жамоа Колумбияга 1:3 ҳисобида мағлуб бўлди, Португалиядан 0:5 ҳисобида йирик ҳисобда ютқазди, сўнгги турда эса Конго жамоасига 1:3 ҳисобида имкониятни бой берди.

Нега жим? Бир йил аввал Бельгияга кетган Ўринбоев эсингиздами?

Ўзбеклар Португалия ва Колумбия билан энди тўқнашди, биз эса ҳар йили ўйнаймиз!

Европага йўл олган икки футболчимизни нималар кутмоқда?

Майдонда очиқ жиноят бўлди. Ўзбекистонлик ҳакам бошқарган учрашувни танқид қилишди

Ҳусановдан катта фойда кўрган “Ланс” яна бир ўзбек футболчисини олмоқчи

Ўзбекистон футболчиси мундиалдаги омадсизликдан кейин терма жамоадан кетди

Ўзбекларда шу ўйинчи зўр экан! Футбол скаути Европа клубларини ўзбек футболчисига эътибор қаратишга чақирди

Ўзбекистоннинг мағлубиятдан кейинги иши мексикаликларни ҳайратга солди