Ўзбекистон ҳаваскор бокс бўйича жаҳон рейтингида Қозоғистонни ортда қолдирди

Нуфузли BoxRec портали дунёдаги энг кучли ҳаваскор боксчиларнинг вазн тоифасидан қатъи назар тузилган (P4P) янгиланган рейтинги эълон қилди, деб хабар беради Sports.kz.

Янгиланган рўйхатда етакчи позицияни Ўзбекистон шарафини ҳимоя қилаётган, енгил вазн тоифасида жанг қиладиган олимпия чемпиони Абдумалик Халоков эгаллади. Иккинчи ўринга Россиялик оғир вазн вакили Муслим Гаджимагомедов жойлашган. Учинчи поғонада яна бир россиялик боксчи — Всеволод Шумков қайд этилган.

Қозоғистондан эса топ-15 таликка фақат битта боксчи кирди. Биринчи ўрта вазнда жанг қиладиган Аблайхан Жусупов дунё бўйича P4P рейтингида 12-ўриндан жой олган. Токио-2020 Олимпиадасида бронза медали соҳиби бўлган Сакен Бибосинов эса 24-позицияда қайд этилган.

Кучли бешталикка, шунингдек, Украина олимпия чемпиони Александр Хижняк ҳамда бешинчи ўринни эгаллаган ўзбекистонлик боксчи Фазлиддин Эркинбоев кирди.

Халоков ва Эркинбоевдан ташқари, топ-10 таликка яна икки нафар ўзбекистонлик боксчи кирган. Тўрабек Хабибуллаев саккизинчи ўринни, Асадхўжа Мўйдинхўжаев эса ўнинчи поғонани эгаллаган. 

Умуман олганда, топ-15 таликда Ўзбекистон шарафини беш нафар боксчи ҳимоя қилмоқда.