Oblak "Atletiko"ni tark etishi mumkin

Bu yozda "Atletiko" katta transferlarni amalga oshirishni rejalashtirgan. Shu bilan birga, tozalash ishlari bo‘lib o‘tadi. 

2014 yildan beri "matraschilar" tarkibida to‘p tepib kelayotgan Yan Oblak ham jamoani tark etishi mumkin. Jamoa unga keladigan takliflarni ko‘rib chiqishga tayyor, deya xabar bermoqda insayder Fabritsio Romano. 

Darvozabonning shartnomasi 2027 yilgacha amal qiladi. U bundan 10 yil oldin "Benfika"dan 16 million evroga sotib olingandi. 

31 yoshli posbonga Saudiya Arabistonidan takkliflar kelish ehtimoli bor. Ammo unga hali ham Evropaning istalgan top klubidan joy topilishi mumkin.