Одил Аҳмедов: Биз чарчаб қолдик
Ўзбекистон терма жамоаси сардори ва "Краснодар" футболчиси Одил Аҳмедов жамоасининг Европа Лигаси гуруҳ босқичида "Ред Булл Зальцбург" билан бўлган ўйини ҳақида фикр билдирди.
- Ҳар бир жамоада пасайиш бўлади, - деди Одил Аҳмедов. - Биз ҳафтада икки марта ўйнаяпмиз ва чарчоқ аломатлари сезилиб қолди. Қолаверса "Ред Булл Зальцбург" ҳам яхши ўйин кўрсатди. "Зенит"га қарши умуман бошқача ўйин бўлади. Тикланиб олишга ҳаракат қиламиз. Раҳбарият Европа кубогида плей-оффга ҳеч қандай вазифа қўймаган. Лекин мақсадимиз битта - олға қадам босиш.
"Краснодар" Австрия жамоаси билан 1:1 ҳисобида дуранг ўйнаб, Европа лигасининг баҳорда бўладиган плей-офф беллашувларига йўлланма олди.
Фикрлар