Одилхон Камолов ва Дилшод Мадалиев жанги 1-раунддаёқ ўз ниҳоясига етди!

Айни пайтда Қозоғистоннинг Конаев шаҳрида "Octagon 77" турнири бўлиб ўтмоқда.

Эътиборлиси, оқшомнинг асосий кардида икки ММА жангчимиз - Одилхон Камолов ва Дилшод Мадалиев ўзаро октагонга кўтарилди.

Кўпчилик кутган баҳс 1-раунддаёқ якунланди. Камолов рақибга оёқ зарбасини йўллаганидан сўнг, Мадалиев жангни давом эттира олмади. Шу тариқа Одилхон техник нокаут эвазига ғалабани қўлга киритди.

Маълумот учун, ушбу кечанинг марказий тўқнашуви қозоғистонлик Эркабулан Токтар ва Эрон вакили Фарзад Гҳадери ўртасида ўтказилади.