ЎФА вакиллари “Шўртан” футбол академиясига ташриф буюрди

Бугун “Шўртан” футбол академиясига Ўзбекистон футбол ассоциацияси техник директори Ги Киала, ёшлар футболини ривожлантириш бўлими бошлиғи Баҳром Умаров, Ўзбекистон U-13 терма жамоаси мураббийи Ларс Хопп ташриф буюрди.

Ташрифдан кўзланган асосий мақсад – Қашқадарё вилоятида болалар футболи инфратузилмаси ҳолатини ўрганиш ва мавжуд имкониятлар билан яқиндан танишишдан иборат бўлди.

Дастлаб, ЎФА вакиллари “Шўртан” ПФК футбол академияси шароитларини кўздан кечирди.

Делегация “Шўртан” футбол академиясида яратилган шарт-шароитлар, асосий база, ўқув-машғулот жараёнлари билан яқиндан танишди.

Шунингдек, ЎФА вакиллари ва Ларс Хопп иштирокида 2011 йилда туғилган иқтидорли ёшлар ўртасида ташкил этилган футбол баҳсларини кузатишди.

Ташриф якунида меҳмонларга "Шўртан" ПФC  Бош менежери Шамил Ярулин Самигулович  томонидан эсдалик совғалари топширилди.