ОФК Кубоги. "Куала-Лумпур ФА" "Сўғдиёна"нинг ҳудудлараро финалдаги рақиби

ОФК Кубоги ҳудудлараро ярим финалидан ўрин олган "Моҳун Баган" - "Куала-Лумпур ФА" учрашуви ниҳоясига етди. Унда меҳмонлар 3:1 ҳисобида ғалаба қозонди.

Дастлаб, Пауло Жозуэ 60-дақиқада ҳисобни очди. 90-дақиқада ҳиндистонликлар вакили Муҳаммад Али Молла мувозанатни тиклади. Ҳакам томонидан қўшиб берилган дақиқаларда Муҳаммад бин Сидид ва Ромель Моралес иккита гол уриб, меҳмонларга ғалаба тақдим этди.

Шу тариқа, куала-лумпурликлар "Сўғдиёна"нинг рақибига айланди. Баҳс 5 октябрь куни Жиззахда бўлиб ўтади.