Og‘ir atletika. Bugun O‘zbekiston terma jamoasi o‘z ishtirokini boshlaydi

Ayni kunlarda Ispaniyaning Leon shahrida og‘ir atletika bo‘yicha yoshlar o‘rtasidagi jahon chempionati bo‘lib o‘tmoqda. Bugun unda qatnashadigan O‘zbekiston terma jamoasi o‘z ishtirokini boshlaydi.

Hamyurtlarimiz orasida dastlab Diyorbek Ro‘zmetov (-67 kg) medallar uchun kurash olib boradi. Yurtdoshimizning chiqishi Toshkent vaqti bilan 19:00 ga to‘g‘ri keladi. Shundan so‘ng 22:00 da Nigora Abdullaeva -59 kg vazn toifasida o‘z omadini sinab ko‘radi.

Eslatib o‘tamiz, ushbu dunyo birinchiligida 7 nafar sportchimiz qatnashadi.