"Oltin to‘p" uchun da’vogarlar reytingi yangilandi

Dunyo futbolida eng nufuzli shaxsiy sovrinlardan biri sanaladigan «Oltin to‘p» uchun kurash tobora qizimoqda. Jahon chempionati yarim final bosqichidan so‘ng Goal portali 2026 yildgi «Oltin to‘p» uchun asosiy da’vogarlar ro‘yxatini yangiladi.

Reytingda hozircha «Bavariya» va Angliya terma jamoasi hujumchisi Harri Keyn peshqadamlikni saqlab qoldi. Biroq angliyaliklarning yarim finalda musobaqani tark etishi unga bo‘lgan ishonchni sezilarli darajada pasaytirdi. Shu bois Keyning pozitsiyasi avvalgidek mustahkam emas, degan fikrlar ko‘paymoqda.

Yangilangan ro‘yxatda Argentina terma jamoasi sardori Lionel Messi ikkinchi o‘ringa ko‘tarildi. U jamoasi bilan jahon chempionati finaligacha yetib borish imkoniyatini saqlab qolgan, shu bilan birga musobaqa to‘purarlari bahsida ham yetakchilar qatorida bormoqda. Mana shu omillar Messining «Oltin to‘p» uchun imkoniyatlarini yanada oshirdi.

Uchinchi pog‘onada «Barselona» va Ispaniya terma jamoasi yarim himoyachisi Lamin Yamal joy olgan. Ispaniya va Argentina o‘rtasidagi jahon chempionati final bahsi mazkur nufuzli sovrin uchun kurashda kuchlar nisbatiga jiddiy ta’sir ko‘rsatishi kutilmoqda. Finaldagi individual o‘yin va hal qiluvchi gollar keyingi baholashda muhim omilga aylanishi mumkin.

«Oltin to‘p»ni topshirish marosimi 26 oktyabr kuni London shahrida bo‘lib o‘tadi.