“Олтин тўп” тахтини топширган Месси нималар деди?

Футболчилар учун бериладиган энг нуфузли индивидуал соврин – “Олтин тўп”ни саккиз маротаба қўлга киритиб, рекорд ўрнатган Лионель Месси ўз фикр-мулоҳазалари билан ўртоқлашди.

- “Олтин тўп” тақдимоти номинантлари ва барча ғолибларини чин дилдан табриклайман.

Айниқса, яна бир маротаба жаҳоннинг энг зўр дарвозабони бўлган Эмилиано Мартинесни алоҳида муборакбод этаман. Офарин, - деди Лионель Месси.

Таъкидлаш жоизки, “Астон Вилла” ва Аргентина терма жамоаси дарвозабони Эмилиано Мартинес 2023-2024 мавсуми якунларига кўра, дунёнинг энг яхши посбони сифатида эътироф этилиб, Лев Яшин совринини қўлга киритди.

“Олтин тўп” соврини эса, бу гал “Манчестер Сити” ва Испания терма жамоаси ярим ҳимоячиси Родрига топширилди.