Олтита Еврода ўйнаган Роналдунинг бир армони бор

Криштиану Роналду Европа чемпионатларида бирор маротаба ҳам жаримадан гол урмаган. 

Кеча Португалия "Евро-2024" гуруҳ босқич 1-туридан ўрин олган баҳсда Чехияни 1:0 ҳисобида таслим этди. 

Беллашувнинг 59-дақиқасида "Ан-Наср" форварди жарима зарбаси амалга оширди. Чехия дарвозабони Станек дарвозага аниқ тепилган тўпни осонлик билан ушлаб олди. 

Бу португалнинг Европа чемпионатлари жарима зарбасидан йўлланган 29-зарбаси бўлди. У ҳеч қачон ушбу турнирда жарима зарбаларини голга айлантира олмаган. 

Ушбу беллашувда майдонга тушган Криштиану олтита Европа чемпионатида ўйнаган илк футболчига айланди.