"Ўрунов кетади!"

Россия терма жамоасининг собиқ аъзоси Динияр Билялетдинов "Спартак"нинг жорий трансферлар ойнаси вақтида амалга оширадиган ишларини тахмин қилди:

"Ўйлашимча, Ўруновни кетказиб юборишади. У "Спартак"да жуда кам иш бажарди ва майдондаги дақиқалари миқдори ҳам кўп эмас. Уни ушлаб ўтиришдан наф кўрмаяпман. Рошанинг ҳам москваликларга кераги йўқ. У Понсе билан деярли бир хил позицияда ҳаракат қилади. 

Хендрикс трансфери ҳақида нимадир дейишим қийин. У ҳақида батафсил маълумотга эга эмасман. Аммо жамоага яхши даражадаги таянч ярим ҳимоячиси кераклиги аниқ. Шунинг учун, нидерландияликнинг хариди анча қизиқарли кечиши мумкин", - деди собиқ футболчи.