Ўруновни кутинг...

“Уфа” клуби бош директори Шамиль Газизов жамоанинг ўзбекистонлик легионери Остон Ўрунов қачон майдонга қайтиши мумкилигини ҳақидаги саволга жавоб берди.

Маълумки, ҳамюртимиз жароҳат туфайли бир неча ҳафта давомида майдондан узоқда юрди.

- Ўрунов умумий гуруҳ машғулотларида қатнашяпти. Ҳаммаси жойида. Биз уни “Краснодар” билан ўйинда кўришимиз мумкин. Бунинг учун эса, жамоа бош мураббийи унга ишонч билдириши керак бўлади, - деди Шамиль Газизов.

20 ёшли футболчимиз “Спартак”дан ижарага олинганидан кейин “Уфа” таркибида премьер-лиганинг иккита учрашувида захирадан ўйинга тушди ва бирорта самарали ҳаракат қайд этмади.

“Краснодар” – “Уфа” учрашуви 17 октябрь куни Тошкент вақти билан 21:00 да бошланади.