Осимхеннинг боши қотган

Виктор Осимхен Франция чемпионатидан кўра АПЛни афзал кўради. 

"La Gazetta dello Sport" нашри хабарига кўра, форвард ёзда "Наполи"ни тарк этади, аммо унинг ҳамон қаерга бориши номаълум. 

Унга ПСЖ варианти ёқади. Шундай бўлсада, нигерияликнинг азалий орзуси Англия чемпионати. Шу сабабдан "Челси"га ўтиш варианти йўқ эмас, гарчи лондонликлар ЕЧЛга йўлланма қўлга киритмаган бўлса ҳам. 

Осимхен жорий мавсум А Сериянинг 22 ўйинида 14 та гол уришга муваффақ бўлган.