Ўсмирлар Олимпиадасининг расмий рамзи тақдим этилди

Жорий йилнинг октябрь ойида Аргентинанинг Буэнос-Айрес шаҳрида ўсмирлар ўртасида учинчи Олимпия ўйинлари бўлиб ўтади. Анъанага мувофиқ, Халқаро Олимпия қўмитаси томонидан ушбу мусобақанинг расмий рамзи эълон қилинди. Унга кўра, Панди лақабли ягуар мусобақанинг тимсоли бўлади.

Ташкилотчилар нега айнан бу ҳайвонни танлашларига изоҳ беришар экан, аввало, ягуар Аргентина ҳудудида кенг тарқалгани ва ўсмирларни ҳам худди ягуар каби эпчил ва чаққон бўлишга интилишларини айтиб ўтишди.