Остон Ўрунов "Уфа"га керак эмас

"Уфа" бош директори Ринат Шайбеков Остон Ўруновнинг жамоага қайтиши тўғрисидаги хабарларга муносабат билдирди.

"Биз Ўрунов трансфери масаласида ҳеч қандай музокара олиб бормаяпмиз. Остон — "Спартак" футболчиси ва ҳозир жамоаси билан йиғинга йўл олган. Мен у ҳақида мосваликлар билан ҳам гаплашмаганман", - деди Шайбеков.

Остон Ўрунов 2020 йил ёзида "Уфа"дан "Спартак" жамоасига кўчиб ўтган эди. У жорий мавсум "қизил-оқлар" сафида жами 9 та баҳсда майдонга тушди ва 1 та гол киритишга эришди.