Отабек Шукуров Ҳиндистонга қарши ўйиндаги ғалабадан жуда ҳам мамнун эмас!

Осиё кубоги 2-туридан ўрин олган Ҳиндистон - Ўзбекистон учрашувидан (0:3) сўнг термамиз етакчиси Отабек Шукуров ўз фикрлари билан ўртоқлашиб ўтди: 

Бугун жамоамиз жуда ҳам ўз кучига ишониб ҳаракат қилди. Бунинг сири нимада? 

- Авваламбор, барча ўзбек мухлисларини ғалаба билан табриклайман. Бироқ сири нимада деган гап бўлиши керак эмас. Сабаби, биз Австралия ёки Осиёнинг кучли жамоасини ютмадик. Ўйиндан ўйинга ўсишга ҳаракат қиламиз. 

Австралия Сурия устидан ғалаба қозонди ва бу бизнинг имкониятларимизга қанчалик таъсир қилади? 

- Ҳаммасини ўйин кўрсатади. Австралия жуда ҳам кучли. Бу термага қарши муносиб ҳаракат қилишимиз керак. Мана шу каби жамоаларга қарши асосий кучимиз кўринади, Ҳиндистон билан эмас. 

- Ўтган Осиё кубогида айнан Австралия бизни пенальтилар сериясида чиқариб юборган. Реванш бўладими ёки совуққонроқ ўйин кўрсатамизми? 

- Ўша учрашувда аслида мағлуб бўлмаганмиз, фақатгина пенальтиларда омадимиз келмаган. Мана шу баҳсда ўзимизнинг ҳақиқий кучимизни синовдан ўтказамиз.