Отаменди: "Муваффақиятсизликни қабул қилиб, олдинга интилишимиз керак"

"Бенфика"нинг аргентиналик ҳимоячиси Николас Отаменди УЕФА Чемпионлар Лигаси гуруҳ босқичининг биринчи турида "Қорабоғ"га қарши мағлубият ҳақида ўз фикрини билдирди.

- Нимани яхшилашимиз кераклигини аниқлаб олишимиз лозим. Олдинда узоқ йўл бор. Бу муваффақиятсизликни қабул қилиб, олдинга интилишимиз керак. Биз кўпроқ меҳнат қиламиз ва кейинги ҳар бир учрашувда уч очко олишга ҳаракат қиламиз, - деди жамоа сардори.

Эслатиб ўтамиз, Лиссабон клуби 2:0 ҳисобида ютиб турган бўлса-да, якунда 2:3 ҳисобида мағлубиятга учради. Еврокубокнинг кейинги ўйинида "Бенфика" "Челси"га қарши баҳс олиб боради.