Отаменди: «У айнан шундай якунга лойиқ эди»

Аргентина терма жамоаси ҳимоячиси Николас Отаменди жамоадоши ва ҳамюрти Лионел Месси ҳақида фикр билдирди. Эслатиб ўтамиз, яқинда улар терма жамоа сафидаги сўнгги ўйинини ўтказди. Лионел Скалони шогирдлари ушбу беллашувда Бенин терма жамоасини йирик ҳисобда мағлуб этди (3:0).

«У жуда оддий ва камтар инсон. Унинг бу сўнгги ўйини бўлгани ҳақида ўйлашнинг ўзи менда алоҳида ҳиссиёт уйғотади. Биз катта ҳаяжон билан майдонга тушдик, гарчи бу кун барибир бир куни келиши аниқлигини билаётган бўлсак-да. Бир пайтнинг ўзида ҳам қайғули, ҳам қувончли ҳолат – чунки хайрлашув айнан Лео муносиб бўлган даражада ўтди», — дея Отамендининг сўзларини келтиради TyC Sports.

Лионел Месси Аргентина терма жамоаси сафида 2005 йилдан бери ўйнаб келарди. Шу вақт мобайнида у 208 та ўйинда майдонга тушиб, рақиб дарвозасини 126 марта ишғол этди ва 69 бор голли пас берди. Аргентина билан биргаликда Месси жаҳон чемпиони бўлди, икки марта Кубок Америкасини қўлга киритди ва «Финалиссимо» совринини ютиб олди.