Ўйнатмасанг, Манчестердан кетаман!

Бу йилги ёзги трансферлар ойнасининг охирги кунларида “Манчестер Юнайтед” ўйинчиси Кобби Майну клубни тарк этиб, бошқа жамоага ўтиб кетиши кутиляпти.

Нуфузли манбалардан talkSPORT нашрининг маълум қилишича, истеъдодли футболчи 1 сентябрга қадар ўзига тушадиган таклифни кўриб чиқишга тайёр.

Кобби Майну мавсум бошидаёқ ўйин амалиётига эга бўлмаяпти. Дастлабки икки турда “Арсенал” ва “Фулхэм” билан бўлган учрашувларда Кобби захирада қолиб кетди. Ярим ҳимоячининг амалдаги шартномаси 2027 йилнинг ёзигача тузилган.

20 ёшли футболчи клуб тарбияланувчиси ҳисобланади. Кобби асосий жамоа таркибида шу пайтга қадар 72 та учрашувда майдонга тушиб, ўз ҳисобига еттита гол ва иккита ассист расмийлаштириб қўйган.