Ўзбек боксчисининг жанги қолдирилди

Хабарингиз бор, бугун Камбоджа мамлакатида уч нафар ҳамюртимиз, жумладан, Абдурасул Исмоилов (7-1-0-4КО) филиппинлик Адонес Агуэло (33-20-2-23 КО)га, Равшанбек Шерматов (4-1-0-1 КО) ҳам филиппинлик Мелмарк Дигнос (9-4-0-1 КО) билан ва ниҳоят тажрибали ҳамюртимиз Олимжон Назаров (21-5-0-12 КО) ҳам яна бир Филиппин вакили Орлие Силвестри (15-5-2-8 КО) га қарши рингга кўтарилиши керак эди.

Боксчиларимизнинг мураббийи Бобур Нажмиддиновнинг хабар беришича, Равшанбек Шерматовнинг рақиби баъзи муаммолар туфайли, Камбоджага етиб кела олмаган. Шунинг учун ушбу юртдошимизнинг профидаги 6-жанги ноъмалум муддатга қолдириладиган бўлди.