Ўзбекистон - Сингапур: ГООООООООООООЛ! 5:0! (матнли трансляция)

Ассалому алайкум, қадрли футбол ихлосмандлари! Жаҳон Чемпионати саралаш босқичи 6-туридан ўрин олган Ўзбекистон - Сингапур тўқнашувига хуш келибсиз. Ўйинни сайтимиз орқали матнли кўринишда кузатиб боришингиз мумкин.

• 90+4'
  

  Учрашув якунланди! Ўзбекистон биринчи тўсиқдан муваффақиятли ўтиб олди. Кейинги ўйинларда ҳам шундай ўйин кутиб қоламиз!

• 90+3'

  Вакилларимиз сўнгги дақиқаларни ҳам ҳужумда ўтказмоқда.

• 90+1'
  

  Бу сафар Ислом Қобилов огоҳлантирилди.

• 90'
  

  Ўйиннинг асосий вақтига 4 дақиқа қўшиб берилди.

• 89'
  

  ГООООООООООООООООООЛ! Ҳисоб 5:0 кўринишига келди!

  Аҳмедовнинг узатмасидан кейин Фанди тўпни ўз дарвозасига киритиб юборди.

• 88'

  Вакилларимиз ҳамон фаоллик намойиш этмоқда. Бугун буткул устунликка эга бўлдик.

• 86'

  Абдухолиқовнинг техникаси ўзига панд берди. 

• 85'

  Шомуродовнинг кесиб узатган тўпи ҳимоячилардан ўтмади.

• 84'
  

  Қобилов рақибга нисбатан қўполлик ишлатди. Сингапурлик футболчига тиббий ёрдам керак.

• 83'
  

  Темурхўжа воқеалар ривожидан бироз илгарилаб кетди. Ҳакам ўйинни тўхтатди.

• 81'

  Аҳмедов ҳамда Абдухолиқов ўзаро бир-бирини тушунмай ҳаракат қилди. Натижада, рақиб дарвозабони эркин зарба билан тўпни ўйинга киритиб беради.

• 79'

  Алибоевнинг узатмасидан кейин Икромов тўпни тўхтата олмади. Тўп йўқотилди.

• 78'
  

  Шомуродовнинг ўткир бурчакдан йўллаган зарбасини дарвозабон қайтарди.

• 77'

  "Cooling break"! Салқинланиш вақти!

• 75'

  Олег Зотеев катта тезликда тўпга етиб келди ва уни шеригига узатди. Бироқ футболчиларимиздан ҳеч ким зарба бера олмади.

• 74'

  Назорат ҳамон "оқ бўрилар"да. Бугун уларнинг "ови бароридан келмоқда"!

• 72'
  

  Бурчакдан оширилган тўпни Қобилов дарвоза томон йўллади. Дарвозабон ўз ўрнида.

• 72'
  

  Икром Алибоевнинг олис масофадан берган кучли зарбасини дарвозабон қайтарди.

• 70'

  Ўйин темпи бироз пасайди. Буни футболчиларимиз онгли равишда амалга оширди.

• 69'
  

  Сингапурлик футболчиларнинг жисмоний ҳолати яхши эмаслиги кўриниб қолмоқда.

• 68'

  Ислом Қобилов зарба позициясига чиқиб келган рақибини зарарсизлантирди.

• 67'
  

  Маҳди Моҳанна ўрнига Зулқарнайн Сузлема майдонга тушди.

• 66'
  

  Вакилларимиз бурчак зарбасидан наф чиқара олмади. Аҳмедовнинг узатмаси қайтарилди.

• 65'

  Тезликда Фанди Шомуродов ва Икромовдан устун келди. Тўпни ён чизиқдан ўйинга киритамиз.

• 64'

  Ноаниқ пас берган Элдор Шомуродов тўп йўқотилишига сабаб бўлди.

• 64'
  

  Сингапурлик футболчи майдонда ётибди. Унга шифокорлар ёрдами керак.

• 62'

  Дебютант Икромов рақибни алдашга ҳаракат қилди. Бироқ бу жараён муваффақиятсиз якунланди.

• 61'
  

  Жароҳат олган Хожимат Эркинов ўз ўрнини Темурхўжа Абдухолиқовга бўшатиб берди.

• 60'

  Аҳмедов чап қанотда Зотеевни олдинга бошлади. Бироқ Олег ҳужумни давом эттира олмади.

• 59'
  

  Рақибга нисбатан қўпол ўйнаган Ҳамробеков огоҳлантирилди.

• 58'
  

  Сингапур футболчиси ўйиндан ташқари ҳолатда қолиб кетди. Рефери хуштак чалди.

• 57'
  

  Захирадан майдонга тушган Эркинов ўзини ноқулай ҳис қилмоқда. Унга тиббий ёрдам керак.

• 56'

  Респект! Йирик ҳисобда ғалаба қозонаётган футболчиларимиз прессинг қилишда давом этмоқда.

• 55'
  

  Жалолиддин Машарипов ва Отабек Шукуров ўрнига Одил Ҳамробеков ҳамда Фаррух Икромов ўйинга қўшилди.

• 54'

  Умар Эшмуродов ҳимояда ишончли ҳаракат қилди. Ёмон эмас!

• 53'

  Абрамов шогирдлари ҳужум қилишдан тўхтамаяпти. Шу темпда давом этиш лозим.

• 52'

  Сингапурликлар бироз қўпол ўйнамоқда. Бизга футболчиларимизнинг соғлиги муҳим.

• 50'
  

  ГООООООООООООООООООООООООЛ! Аҳмедов ҳисобни янада йириклаштирди!

  Жарима майдони ичига ёриб кирган Одил кучли зарбаси билан тўпни дарвозага михлаб қўйди.

• 48'

  Элдорнинг пасидан кейин Одил жарима майдони ичида тўпни ўзига бўйсундира олмади.

• 47'

  Бўлимнинг илк дақиқаларидан яна футболчиларимиз фаоллик кўрсатмоқда.

• 46'
  

  Иккинчи тайм бошланди!

• 46'
  

  Шунингдек, Сингапур таркибида ҳам 2 та ўзгариш амалга оширилди.

• 46'
  

  Бўлимлар оралиғида Абрамов ўзгариш амалга оширди: Достон Ҳамдамов ўз ўрнини Хожимат Эркиновга бўшатиб берди.

• 46'

  Футболчилар майдонга қайтди. Бих ҳам қайтамиз ва "оқ бўрилар"ни қўллаб-қувватлашда давом этамиз!

• 45+2'
  

  Биринчи бўлим якунланди! Кўп нарсага 45 дақиқа ичида ойдинлик киритдик. Ажойиб, йигитлар!

• 45+2'
  

  ГОООООООООООООООЛ! ШОМУРОДООООООООООООООООООВ!

  Жарима майдони ичида тўпни ўзига бўйсундирган Элдор аниқ зарбаси билан ҳисобни йириклаштирди.

• 45'
  

  Жароҳат олган Алиқулов ўрнига Хожиакбар Алижонов майдонга тушди.

• 44'

  Сўнгги дақиқаларда назорат бизда. Биз вақтни ҳужум билан ўтказамиз, майдонда ётиб олиб эмас.

• 43'
  

  Алиқуловга тиббий ёрдам кўрсатилди. Умид қиламизки, унинг ҳолати яхши даражада.

• 42'

  Ҳусниддин Алиқулов майдонда ётибди. Рақиб тўпни майдон ташқарисига чиқариб юбориши лозим.

• 41'
  

  Достон Ҳамдамовнинг ўнг оёқда йўллаган зарбасини дарвозабон ушлаб олди.

• 40'

  Тайм сўнгига келиб Абрамов шогирдлари ҳужумкорликни янада оширмоқда.

• 39'
  

  Элдор бу сафар ҳам яхши вазиятдан фойдалана олмади. Унинг тиззаси билан берган зарбасини дарвозабон бартараф этди.

• 38'

  Зотеев ҳаракат қилаётган қанот жуда фаол. Олег терма жамоа либосини кийишни соғингани кўриниб турибди.

• 36'

  Футболчиларимиз истаган пайти ҳужумкорликни ошириб, хоҳлаган вақти темпни пасайтирмоқда. Назорат бизнинг қўлимизда.

• 34'
  

  ГОООООООООООООООООООООООООООЛ! МАШАРИПОООООООООООООООООВ!

  Бир рақибини чалғитиб зарба берган Жалолиддин дарвозабонни ожиз қолдирди.

• 34'
  

  Шомуродовнинг яқин масофадан берган зарбасини дарвозабон қайтарди.

• 34'
  

  Икром Алибоевга нисбатан жиддий қўполлик ишлатган Муҳаммад Арифинп сариқ карточкага лойиқ кўрилди. Вазият қизилга тортар эди.

• 32'

  Айни дақиқаларга келиб, тўп рақибларимизда бўлиб турибди.

• 30'

  Ҳаво ҳарорати анча юқори. Ҳакам футболчиларга томоқ ҳўллаб олиш имкониятини тақдим этди.

• 29'
  

  Сингапур сафида эрта ўзгариш: Хафиз Абу Сужад ўрнига Ирфан Фанди майдонга тушди.

• 28'

  Терма жамоадаги тажрибаси катта бўлмаган ҳимоячиларимиз бироз кичик хатоларга йўл қўймоқда.

• 27'

  Ҳамдамовнинг хатосидан кейин рақиб футболчиси бирга-бир вазиятга чиқиб бориши мумкин эди. Қувватов яхши ҳаракат қилди.

• 25'
  

  Аҳмедовнинг узатмасидан кейин Элдорнинг зарбасини дарвозабон қайтарди.

• 24'

  Яқин масофадан Алиқулов зарба бера олмади. Унда ҳаяжон борлиги сезилмоқда.

• 23'
  

  Олег Зотеев ўйиндан ташқари ҳолатда қолиб кетди.

• 22'

  Бу сафар Шукуровнинг пасига шерикларидан ҳеч ким ета олмади.

• 22'

  Жалолиддиннинг узатмасидан кейин тўп Аҳмедовга қадар ўтмади.

• 21'
  

  Алибоевдан яна бир супер узатма. Бироқ бу сафар ҳакамлар Шомуродов офсайдда эканлигини таъкидлади.

• 20'
  

  Аҳмедовнинг жарима майдони ташқарисидан берган зарбасини дарвозабон ушлаб олди.

• 19'

  Футболчиларимиз қанотларни тез-тез алмаштириб олдинга ўтмоқда. Бу ҳолатда рақиб концентрацияни йўқотяпти.

• 18'

  "Оқ бўрилар" штурм уюштирмоқда. Рақиб катта қийинчилик билан ҳимояланяпти.

• 17'

  Одил Аҳмедовнинг зарбасидан кейин дарвоза тўсини титради. Шомуродовнинг такрорий уриниши ноаниқ чиқди.

• 17'

  Бугун расмий учрашувдаги дебютини ўтказаётган Алиқулов бироз ҳаяжонланмоқда. Унинг иложи борича тезроқ ўз ўйинини топиб олишини кутиб қоламиз.

• 16'

  Зотеевга нисбатан қоида бузган Назрул Назари огоҳлантирилиши мумкин эди. Бироқ ҳакам оғзаки тушунтириш билан чекланди.

• 15'

  Тўпни қанотга олиб борган Аҳмедов уни йўқотди. Кейинги уринишда Одилнинг берган паси ҳимоячидан ўтмади.

• 14'

  Жамоадошининг узатмасидан кейин Достон Ҳамдамов тўпга бироз ета олмади.

• 13'

  Тўп назорати яна вакилларимиз томонга ўтди. Бу борада кичик устунликка эгамиз.

• 12'
  

  Майдон марказида рақибини қоида бузиш эвазига тўхтатиб қолган Отабек Шукуров огоҳлантирилди.

• 10'
  

  Бурчак тўпини комбинацион усул билан ўйинга киритган футболчиларимиз хавфли вазият яратди. Ҳамдамовнинг узатмасидан кейин тўп ҳимоячининг қўлига теккандек кўринди. Бироқ ҳакам бундай деб ҳисобламади.

• 8'

  Тўпни олдириб қўйган Шомуродов ҳужумда қўполлик ишлатди.

• 7'
  

  Одил Аҳмедовга тиббий ёрдам кўрсатилди.

• 6'
  

  ГОООООООООООООООООООООООООООООООООООООООЛ!

  Алибоевнинг супер узатмасидан кейин Машарипов тўпни тўхтатмасдан дарвозага киритди!

• 4'

  Улар бошлади! Рақиб футболчиси тўп билан ҳаракатланаётган Жалолиддинни қўллари билан ушлаб қолди. Бошқачасига уни тўхтатиш қийин.

• 3'

  Машариповдан пас қабул қилиб олган жарима майдони ичида қулай имконият ҳосил қилган Зотеевнинг узатмасини дарвозабон эгаллаб олди.

• 2'

  Футболчиларимиз тўпни ҳали рақибга бергани йўқ.

• 1'

  Илк дақиқаларда тўп вакилларимизда бўлиб турибди.

• 1'
  

  Ўйин бошланди! Олға, "оқ бўрилар"!

• 0'

  Сардорлар иштирокидаги расмий жараёнлар ортда қолди. Старт учун барчаси тайёр!

• 0'

  Ватанпарварлик руҳи! Икром Алибоев мадҳия куйлаш жараёнида кўз ёшларини тийиб тура олмади.

• 0'

  Энди навбат Ватанимиз мадҳиясига! Ич-ичингиздан йигитларимизга шерик бўлинг, азизлар!

• 0'

  Биринчи бўлиб Сингапур давлат мадҳияси янграмоқда. 

• 0'

  Футболчиларимиз майдонга тушиб келди. Биз учун ўта муҳим беллашув бир неча дақиқалар ичида старт олади.

• 0'

  Адашмадингиз! Терма жамоамизни биргаликда қўллаб-қувватлаш учун энг муносиб жойдасиз, азиз мухлислар!