Ўзбекистон кетма-кет 3 та халқаро турнирда ғалаба қозонди!

Ўзбекистон миллий терма жамоаси ФИФА кунлари доирасида ўтказилган учта кетма-кет халқаро ўртоқлик турнирларида чемпионликни қўлга киритди.

Дастлаб, жамоа октябрь ойида бўлиб ўтган “CAFA Nations Cup” мусобақасида Эронни 1:0 ҳисобида мағлуб этиб, бош совринга сазовор бўлди. Шунингдек, ноябрь ойида ўтказилган “Al Ain International Cup” турнирида ҳам ғалаба қозониб, яна бир бор чемпионликни қўлга киритди.

Бундан ташқари, Жаҳон чемпионати олдидан ташкил этилган “FIFA Series” мусобақасида Венесуэла терма жамоаси пенальтилар сериясида мағлуб этилди ва навбатдаги соврин қўлга киритилди.

Шу тариқа, “оқ бўрилар” Жаҳон чемпионатига юқори кайфиятда йўл олмоқда