O‘zbekiston Osiyoning eng kuchlilari orasida

"JCh-2026" Osiyo saralashining uchinchi bosqichida mag‘lub bo‘lmagan to‘rtta jamoa qoldi.

Gap shundaki, Jahon chempionati saralashining uchinchi bosqichi 4-turi doirasidagi bahslardan so‘ng 18 terma jamoadan faqatgina to‘rt jamoa ushbu bosqichdagi yurishini mag‘lubiyatsiz davom ettirmoqda.

Bular O‘zbekiston, Eron, Janubiy Koreya va Yaponiya. Mazkur jamoalarning barchasida 10 ochkodan mavjud. Har bir jamoa hisobida uch g‘alaba va bir durang. 

To‘plar nisbati bo‘yicha yaqqol ustunlik Yaponiyada 15:1. Bu boradagi ko‘rsatkich O‘zbekistonda 5:2, Eronda 6:1 va Janubiy Koreyada 8:3 bo‘lib turibdi.

Oldinda jamoalarni yana oltitadan bahs kutmoqda. Keyingi bellashuvlarda ham terma jamoamizga ushbu darajani saqlab qolishiga omad tilaymiz.