
O‘zbekiston qizlari Osiyo chempionatida sovrindor!
Singapurda suv polosi bo‘yicha U–20 yosh toifasida o‘tgan Osiyo chempionatida qit’aning 8 ta davlat terma jamoalari g‘oliblik uchun kurash olib bordi.
Musobaqa "A" va "B" guruhlarida o‘tkazilib, O‘zbekiston yoshlar terma jamoasi "B" guruhida Xitoy Taypeyi, Singapur va Qozog‘iston jamoalariga qarshi bahs olib bordi.
"A" guruhida esa Eron, Malayziya, Xitoy va Shri-Lanka vakillari bellashdi.
Olti kun davom etgan qizg‘in bahslarda O‘zbekiston erkaklar terma jamoasi 5-o‘rin bilan kifoyalangan bo‘lsa, U–20 qizlar jamoamiz guruh bosqichini muvaffaqiyatli yakunlab, medallar uchun kurashish imkoniyatini qo‘lga kiritdi.
Yakuniy natijalarga ko‘ra, O‘zbekiston qizlar jamoasi bronza medaliga sazovor bo‘ldi. Musobaqada Xitoy jamoasi chempionlikni qo‘lga kiritgan bo‘lsa, Qozog‘iston vakillari kumush medal bilan taqdirlandi.
Fikrlar