Ўзбекистон U-18 терма жамоаси назорат учрашувида дуранг қайд этди

Отабек Ғуломхўжаев бошчилигидаги Ўзбекистон U-18 терма жамоаси "Чиғатой" спорт базасида йиғин машғулотлари ўтказаётганидан хабарингиз бор. Кеча терма жамоа аъзолари "Локомотив" ёшлар жамоаси билан назорат ўйинида майдонга тушишди. Бу ҳақда ЎФА расмий сайти хабар тарқатмоқда.

Учрашуви 0:0 ҳисобидаги дуранг билан якунига етди. Йиғин давомида яна Про-лига вакиллари "Янгиер" ва "Рубин" жамоаларига қарши назорат ўйинлари ўтказиш ҳам режалаштирилган.

Тошкентдаги йиғин 28 мартга қадар давом этади.