Ўзбекистон U23 терма жамоамиз "Хоразм"га қарши ўртоқлик ўйинини ўтказди

Йиғин ўтказаётган Ўзбекистон U-23 терма жамоамиз Тошкентда "Хоразм" клубига қарши назорат ўйинда иштирок этди. Бу ҳақида ЎФА матбуот хизмати хабар бермоқда.

Равшан Ҳайдаров бошқарувидаги терма жамоа мазкур баҳсда 2:0 ҳисобида ғалаба қозонди. Голларга Нодир Абдураззоқов ва Шерзод Эсановлар муаллифлик қилди.

Ўзбекистон U23 терма жамоамиз бошланғич таркиби: Эдем Неъманов, Иззатилло Пўлатов, Муҳаммадрасул Абдумажидов, Жаҳонгир Ўрозов, Азиз Холмуродов, Шерзод Эсанов, Диёр Ортиқбоев, Нодир Абдураззоқов, Маҳмуджон Маҳаммаджонов, Отабек Аҳадов, Рустам Турдимуродов.

Захирада: Боймуродов, Муратбоев, Хайруллаев, Аълохўжаев, Мустафоқулов, Сойипов, Жумаев, Мавлонқулов, Ўрмонжонов, Ўринбоев, Ҳайдаров, Тўхтасинов, Абдураҳмонов.