Ўзбекистон – Қозоғистон учрашуви натижаси олдиндан айтилди!

Спортга ихтисослашган Sportskeeda.com сайти экспертлари Ўзбекистон ва Қозоғистон миллий терма жамоалари ўртасида бўладиган ўртоқлик учрашуви натижасини тахмин қилди, деб хабар тарқатди Sports.kz сайти.

- Ўзбекистон ўз майдонидаги охирги бешта учрашувда ғалаба қозонган. Шу боис, Қозоғистоннинг Тошкентдаги вазифаси тайин. Бироқ, бўлажак баҳс ўртоқлик учрашуви эканини инобатга олиб, “калхатлар” дуранг билан қайтиши керак.

Тахмин: Ўзбекистон – Қозоғистон 1:1, - деб ёзди нашр.

Эслатиб ўтамиз, ушбу учрашув 16 ноябрь куни “Пахтакор” стадионида бўлиб ўтади. Шундан сўнг, 20 ноябрь куни  Сречко Катанец шогирдлари худди шу аренада Россия миллий терма жамоаси билан беллашади.