Ўзбекистонлик яна бир боксчи финалда

Тошкентдаги "Ҳумо арена"да бокс бўйича эркаклар ўртасида жаҳон чемпионати давом этмоқда. Бугун ярим финал жанглари бўлиб ўтмоқда.

-63,5 кг вазн тоифасида Руслан Абдуллаев арманистонлик Хованец Бачков билан рингга кўтарилади. 

Боксчилар рингга чиқиб келди. Ҳамюртимиз кўк формада, унинг рақиби қизил либосда ҳаракат қилади.

Илк раундда Русланнинг қўли баланд келди - 5:0.

Иккинчи раундда ҳам вакилимизнинг устунлиги қайд этилди - 5:0.

Охирги раундда Руслан имкониятни бой бериб қўйди - 0:5. Якуний ҳисоб эса 5:0 Руслаб Абдуллаев фойдасига.

Шу тариқа, Руслан финалга йўл олди. Қолаверса, Абдуллаев камида кумуш медали ва 100 минг доллар пул мукофотини нақд қилди.