Ўзбекистоннинг энг қиммат футболчилари рейтинги. Ким қанчага баҳоланди?

Трансферларга ихтисослашган Transfermarkt портали маълумотлари асосида Ўзбекистоннинг энг қиммат футболчилари эълон қилинди. Уларнинг аксарияти легионер сифатида хорижий мамлакатларда тўп сураётган ўйинчилардир.

Ҳожиакбар Алижонов (23 ёш) — трансфер нархи 900 000 евро. 2016 йилдан бери “Пахтакор” таркибида тўп сураётган футболчи ҳозирги кунда жамоанинг асосий ўйинчиларидан ҳисобланади. Шунингдек, у Ўзбекистон миллий терма жамоаси аъзоси ҳамдир.

a83051a41267682b990dc4d8cb368e26

Бобир Абдухолиқов (23 ёш) — Суперлигамизда “Насаф” жамоаси шарафини муносиб ҳимоя қилган ёш ҳужумчи қаршиликлар таркибида 100дан ортиқ ўйинда 37 та гол урган. Ўзбекистон терма жамоаси вакилининг трансфери 900 000 еврога баҳоланди. У янги мавсумни Украинанинг “Рух” жамоасида ўтказади.

444484

Одил Ҳамробеков (25 ёш) —“Насаф” тарбияланувчиси ҳозирда “Пахтакор” етакчиларидан бири ҳисобланади. Унинг трансфер нархи бир миллион еврога етди.

unnamed

Достон Ҳамдамов (24 ёш) — Россиядаги муваффақиятсиз фаолиятидан кейин “Пахтакор”га келиб, ўз  истеъдодини қайта намойиш қилган “Бунёдкор” тарбияланувчисининг трансфери 1,2 миллион еврога тенг. Достон жорий мавсумдан “Ан-Наср” шарафини ҳимоя қилади.

hamdamov-nasr-withball

Одил Аҳмедов (33 ёш) — Терма жамоамиз сардорининг ёши ўтиб бораётгани боис, унинг трансфер суммаси анча арзонлашди. Наманган футболи тарбияланувчиси айни пайтда 1,2 миллион еврога баҳоланмоқда. Ўзбекистон ва Хитой чемпиони бўлган Одил ҳозир “Тяньцзинь Тэда” клуби аъзоси ҳисобланади.

unnamed (1)

Остон Урунов (20 ёш) — Россия чемпионатида “Спартак” таркибини тарк этиб ижара асосида “Уфа”га қайтган ҳамюртимиз 1,5 миллион еврога баҳоланмоқда. Энди у қадрдон жамоаси таркибида яна ўзини кўрсатишга ҳаракат қилади.

1364bf4be4ca1d19.xl

Игорь Сергеев (27 ёш) — “Пахтакор” таркибида тўпурарлик маҳоратини намойиш қилиб келган Игорь учинчи марта хориж чемпионатида ўз омадини синаб кўради. УЕФА аъзоси -  Қозоғистоннинг “Актобе” клуби сафига қўшилган Сергеевнинг айни пайтдаги трансфер нархи 1,5 миллион еврога тенг.

297136_680

Азиз Ғаниев (23 ёш) — “Насаф”нинг яна бир тарбияланувчиси анчадан бери хорижда муваффақиятли ўйнамоқда. “Шабаб Ал-Аҳли” аъзосининг трансфер суммаси 1,8 миллион евро экани қайд этилган. Азизнинг салоҳиятини инобатга олган ҳолда бу нарх яна кўтарилади.

600583_original

Жалолиддин Машарипов (27 ёш) —“Пахтакор” ва Ўзбекистон миллий терма жамоасидаги креатив ўйинлари билан мухлису мутахассислар ишончини қозонган футболчи ниҳоят,  хориж чемпионатида ўзини синаб кўради. Нархи 2 миллион еврога кўтарилган Машарипов “Ан-Наср” билан битим тузганига қарамай, ижара асосида “Шабаб Ал-Аҳли”да ўйнаб беради.

1613064585_jala_1

Отабек Шукуров (24 ёш) — Ёш бўлишига қарамай, Отабек тажрибали легионердан бирига айланган. Унинг трансфер нархи ҳам мунтазам кўтарилиб, 2,5 миллион еврога етди. “Бунёкдор”да порлаган ярим ҳимоячи ҳозир “Шаржа”да маҳорат кўрсатмоқда.

a5844dd22e354cf74f81bfe6a09b4f7d

Элдор Шомуродов (25 ёш) —Кучли бешлик чемпионатларида гол урган биринчи ўзбекистонлик футболчига айланган Элдор Шомуродовнинг  Transfermarkt порталидаги нархи 6,5 миллион евро экани кўрсатилган. Бироқ, “Женоа” футболчи учун 9 миллион евро атрофида маблағ сарфлади ва қишки трансферлар даврида 15 миллион еврога сотмагани ҳақида маълумотлар бор. А Серияда муваффақиятли ўйнаётган футболимиз юлдузининг нархи ошишда давом этади.

90373b4f3cd8a1370aff064001d046f95fbfea7abdf5b924402606

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
Rustamov Dilmurod
25/02/2021 11:26
Savol sizningcha bu yil super li
shempioni kim boʻladi. Javob. Chempionat Toshkent Niki albatta Toshkent dan boʻladi qolganlar futbol oʻynashadi
Rustamov Dilmurod
25/02/2021 11:17
Qoyil Eldor omadingni bersin
Rustamov Dilmurod
25/02/2021 11:17
Qoyil Eldor omadingni bersin

Минбар

Барча блоглар