Палмер "Челси"даги энг ҳазилкаш футболчини айтди

Коул Палмер жамоадаги энг ҳазилкаш футболчи ким экани ҳақида фикр билдирди.

"Челси"даги энг катта ҳазилкаш? Бу — Марк Кукурелья. Нимаси билан эканини билмайман, у шунчаки жуда кулгили", — деди Палмер клубнинг расмий сайтига берган интервьюсида.

Маълумот учун, Кукурелья 2022 йилда "Брайтон"дан "Челси"га 65 миллион евро эвазига ўтган. Унинг лондонликлар билан шартномаси 2028 йил 30 июнгача амал қилади.

Жорий мавсумда испаниялик ҳимоячи барча мусобақаларда 41 та ўйинда иштирок этиб, 1 та гол урди ва 3 та голли узатмага муаллифлик қилди. Transfermarkt портали унинг бозор қийматини 50 миллион евро деб баҳоламоқда.