Паралимпия. 5х5 футболчиларимиз Осиё чемпионатига тайёрланмоқда

Айни кунларда кўзи ожизлар ўртасидаги 5х5 футбол бўйича Ўзбекистон терма жамоаси аъзолари пойтахтимизда жойлашган Миллий паралимпия қўмитаси спорт базасининг сунъий қопламали майдонида ўқув-машғулот йиғини ўтказмоқда.

Ушбу йиғин футболчиларимиз учун жорий йил 9-20 ноябрь кунлари Ҳиндистоннинг Кочи шаҳрида бўлиб ўтадиган Осиё чемпионати олдидан сўнгги тайёргарлик вазифасини ўтайди.

Айтиш лозимки, Ҳиндистондаги мусобақа 5х5 футбол терма жамоамиз аъзолари учун биринчи халқаро мусобақа ҳисобланади.