Паредес ЖЧ-2026 финалидан сўнг Испания терма жамоаси ўйинчилари билан жанжал учун қизил карточка олди

Аргентина терма жамоаси ҳимоячиси Леандро Паредес Жаҳон чемпионати–2026 финалида Испанияга қарши ўйиндан (0:1) кейин келиб чиққан жанжал учун майдондан ҳайдалди, деб хабар бермоқда L'Équipe.

Учрашув тугаганидан сўнг майдонда футболчилар ўртасида тортишув бошланди. Шу пайтда Леандро Паредес рақиб жамоа аъзоси Эрик Гарсияни туртиб юборган. Вазиятга аралашиш учун Гави яқинлашганида, аргентиналик футболчи уни газонга йиқитиб, манишкасидан ушлаб олган ва зарба берган.

Майдондаги можарога ҳар икки жамоа футболчилари ҳамда мураббийлар штаби вакиллари аралашгач, вазият янада кескинлашмаслиги учун ҳакам Паредесга тўғридан-тўғри қизил карточка кўрсатган.

Эслатиб ўтамиз, 2026 йилги жаҳон чемпионати 11 июндан 19 июлга қадар АҚШ, Канада ва Мексика ҳудудида ўтказилди. Ундан олдинги, 2022 йилда Қатарда бўлиб ўтган жаҳон чемпионатида Аргентина терма жамоаси ғолиб чиққан эди. Ўша финалда аргентиналиклар Францияни асосий ва қўшимча вақтда 3:3 ҳисобидаги дурангдан сўнг пенальтилар сериясида 4:2 ҳисобида мағлуб этган.