Пауло Бенту: "Ўзбекистон қитъада ўз ўрнига эга"

Ҳабарингиз бор, эртага "ЖЧ-2026" саралаши доирасидаги Ўзбекистон - БАА учрашуви бўлиб ўтади.

Мазкур беллашув олдидан ўтказилган матбуот анжуманининг илк қисмида БАА устози Пауло Бенту ва футболчи Яхё ал- Ғассани қатнашиб, журналистларнинг саволларига жавоб берди:

Бош мураббий: Аввало ўйин услубимизга тўхталиб ўтмоқчиман. Рақиб футболчиларини яхшилаб ўрганиб, ўз футболчиларимизга кўрсатма беришга уринамиз. Рақибни ҳар тарафлама ўрганиб чиқдик. Айниқса, Эронга қарши кечган сўнгги беллашувда Ўзбекистон футболчилари менда ажойиб таассурот қолдирди. Бугун расмий машғулот ўтказамиз. Ўша пайтда ўз футболчиларимга ўйин олди якуний кўрсатмаларни берамиз. 

Футболчи: Бу босқичда осон рақибнинг ўзи йўқ. Барча жамоалар яхши тайёргарлик кўргани билиниб турибди. Ўйлайманки, 3 очкони қўлга кирита оламиз.

Бош мураббий: Ёрдамчимиз Ўзбекистон иштирокидаги беллашувларга ташриф буюрди. Менимча, кўп маълумотларини йиға олди. Рақибнинг кучли ва кучсиз тарафларини ўрганиб чиқдик. Айнан мана шу томонларни ўрганган ҳолда баҳсга тайёргарлик кўрдик. Эртага барчамиз бирдамликда харакат қилсак, мақсадимизга эришамиз.

Бош мураббий: Вақт кўп нарсага имкон бермайди. Биринчи беллашувдан кейингисига тайёргарлик кўриш учун жуда оз вақт бор. Биз олдимизда турган ўйинда ижобий натижага эришишга интиламиз. Ўзбекистон охирги натижалари орқали шуни кўрсатдики, Осиёда ўзига яраша номга эга бўлиб улгурди. Бу жамоа жаҳон чемпионати саралашида тўғридан-тўғри йўлланма учун курашади. Шу сабабли бу жамоани бемалол қитъадаги фаворитлар қаторида деб айтсак бўлади.

Футболчи: Охирги натижалардан муҳлисларимиз албатта хафа бўлишди. Бу борада уларни тушунаман. Эртага боримизни бериб, кураш олиб борамиз деб бемалол айта оламан. Якуний натижани қандапй бўлишини эса, тахмин қила олмайман. Чунки, олдиндан катта ваъдалар беришни ёқтирмайман. Бироқ, ғалаба учун майдонга тушиб, муҳлисларимизни хурсанд этишга албатта харакат қиламиз.

Бош мураббий: Эртага баъзи футболчилар хизматидан фойдала олмаймиз. Бу албатта ўз таъсирини ўтказади. Жарохатланганларнинг ўрнига бошқа футболчилар билан тўлдирамиз.