Педри Мессини ЖЧ ғолиблиги билан нега табрикламади?

Каталониянинг "Барселона" клуби ярим ҳимоячиси Педри собиқ жамоадоши Лионель Мессини жаҳон чемпионатидаги ғалабаси билан нега ҳалигача табрикламаганини айтди.

"Мен унга ғалабадан кейин дарҳол ёзмадим, чунки менинг хабарим эътиборга олинмаслигини тахмин қилдим.

Ҳозир унинг телефони ва ижтимоий тармоқлари табриклар билан тўлиб ётибди. Мен яна бир неча кун кутаман ва уни албатта табриклайман", - деди 20 ёшли футболчи.

Эслатиб ўтамиз, жаҳон чемпионати финалида Аргентина Францияни мағлуб этди (3:3, 4:2 пен.) ва 1986 йилдан бери илк бор жаҳон чемпионлигини қўлга киритди. Месси турнирнинг энг яхши футболчиси деб топилди. 35 ёшли ҳужумчининг ҳисобида 7 та гол ва 3 та голли узатма бор.