Пенальтидан гол ўтказмайдиган дарвозабон пайдо бўлди

Германия чемпионатининг тўртинчи туридан ўрин олган учрашувлардан бирида “Вердер” ўз мухлислари кўз шнгида “Фрайбург”га 0:3 ҳисобида ютқазиб қўйди.

Ушбу баҳсда меҳмонлар дарвозасини қўриқлаган Ноа Атуболу “қуруқ” ўйин ўтказиш баробарида пенальтини қайтаргани статистика мутахассислари эътиборини тортди.

Учрашувнинг 59-дақиқасида “Вердер” футболчиси Романо Шмид пенальти тепиш имконига эга бўлди. Бироқ унинг зарбасини Ноа Атуболу маҳорат билан бартараф этди.

Opta статистика маркази экспертларининг ҳисоб-китобларига кўра, 23 ёшли Ноа кетма-кет беш марта 11 метрлик белгидан берилган зарбаларни қайтарган. Бу рекорд ҳисобланади. Германия чемпионатлари тарихида ҳали бирорта голкипер кетма-кет бешта пенальтини қайтармаган.