Пепе рад этиб бўлмас таклиф олди, навбат якуний қарорга

Мадриднинг “Реал” клуби ҳимоячиси Пепе мавсум якунланганидан сўнг “қироллик клуби”ни тарк этиши мумкин. Бу ҳақда AS нашри хабар тарқатмоқда.

Юқоридаги манбаанинг ёзишича, португалиялик футболчига молиявий томондан жуда ҳам қулай бўлган бир нечта таклифлар келиб тушган. Мурожаатларнинг кўпчилиги асосан Хитой ва Англия жамоаларидан бўлмоқда.

Футболчига яқин манбаанинг сўзларига кўра, Пепега шундай таклиф келиб тушганки, уни асло рад этиб бўлмайди. Агар, Пепе бу таклифга рози бўлса, у ҳолда 4 йил мобайнида “Реал”да олмаган пулини 2 йилда ишлаб топиши мумкин.

Бироқ, 33 ёшли футболчи “қироллик клуби”да қолиши ҳам мумкин. У ҳали якуний қарорга келмаган.

Маълумот учун, Пепенинг “Реал” билан амалдаги шартномаси 2017 йилнинг ёзида ўз ниҳоясига етади.