Пирс Морган "Йил интервьюси" мукофоти билан тақдирланди

Пирс Морган Криштиану Роналду билан суҳбати учун "Йил интервьюси" мукофотини қўлга киритди.

Британиялик журналист ва телебошловчи "TRIC Awards" томонидан тақдим этилган (1931 йилда Британия телевидения ва радио саноати томонидан асос солинган) мукофотга лойиқ кўрилди. 

Пирс Морган ушбу совринни "Манчестер Юнайтед" футболчиси бўлган ҳужумчи Криштиану Роналду билан бўлган суҳбати учун олди.

Суҳбат 2022 йил ноябрь ойида бўлиб ўтганди. Унда футболчи клуб ва мураббий Эрик тен Хагни танқид қилган.