Почеттино келгач, "Челси"да "тозалаш ишлари" бошланди. Бира тўла 15 футболчи кетиши мумкин

"Челси" Маурисио Почеттино тайинланганидан сўнг таркибни янгилашни режалаштирмоқда.

Янги бош мураббий келганидан кейин клуб аввалги икки трансфер ойнасидан кейин 30 кишидан ошган таркибни қисқартиришни мақсад қилган. "Daily Mail" нашри хабарига кўра, жамоани 15 нафар футболчи тарк этишига умид қилмоқда.

Пьер-Эмерик Обамеянг, Хаким Зиеш, Кристиан Пулишич, Эдуар Менди ва Каллум Хадсон-Одои жамоани тарк этиши кутилмоқда. Калидоу Кулибали, Сезар Азпиликуета ва Нголо Кантенинг келажаги шубҳа остида қолмоқда. Матео Ковачич, Конор Галлагер, Трево Чалоба ва Рубен Лофтус-Чикга турли клублар қизиқиш билдирмоқда. "Манчестер Юнайтед", "Ливерпуль" ва "Арсенал" томонидан таклиф олган Мейсон Маунт ҳам "Челси"ни тарк этиши мумкин, аммо Почеттино унинг қолишини хоҳлайди.

Умуман олганда, "аристократлар" бу футболчилар учун 259,5 миллион фунт (тахминан 300 миллион евро) сарфлаган. Клуб улар учун тахминан 280 миллион фунт (деярли 325 миллион евро) олмоқчи.

Обамеянг ва Канте бепул кетишлари мумкин. Кулибали ижарага футболчисига айланиши мумкин.

Қолаверса, Лондон клубининг 20 дан ортиқ футболчиси айни пайтда бошқа клубларда ижара асосида тўп сурмоқда."Кўклар" ўз сонини қисқартириш ниятида ва шунинг учун ёзда ижарадан кўра тўлақонли трансферларни амалалга оширмоқчи.

Жоау Феликс ва Денис Закария ижара муддатидан сўнг "Атлетико" ва "Ювентус"га қайтишди. "Челси" уларни сотиб олмайди.