Pochettino: Nolga o‘ynash muhim

Maurisio Pochettino "Chelsi"ning "Vest Xem" ustidan qozonilgan g‘alabasi haqida fikr bildirdi. 

Uchrashuv haqida 

"Men futbolchilarning har biridan mamnunman. "Tottenxem" ustidan qozonilgan g‘alabadan so‘ng yarna bir marotaba 3 ochko qo‘lga kiritdik. Bu juda yaxshi. 

Ajoyib o‘yin. Bizda ko‘plab xavfli vaziyatlar yaratadigan va gollar uradigan iqtidorli futbolchilar bor. Shunchaki g‘alaba qozonish emas, balki nolga o‘ynash juda muhim", - dedi London klubi ustozi. 

Qayd etish lozim, "Chelsi" bir necha kun avval qoldirilgan uchrashuv doirasida "Tottenxem"ni ham 2:0 hisobida taslim etgandi. Biroz avval yakuniga etgan bahsda ular "bolg‘achilar" darvozasiga javobsiz 5 ta gol kiritdi.