Подольски япон клубидан кетди

Германия терма жамоаси собиқ футболчиси Лукас Подольски Япониянинг "Виссел Кобе" клубини тарк этди. Бу ҳақда клуб расмий сайти хабар тарқатмоқда.

Таъкидлаш керакки, 34 ёшли футболчининг япон клуби билан амалдаги шартномаси ўз якунига етгани боис жамоани тарк этган.

Маълумот учун, Подольски “Виссел Кобе” сафида 2017 йилдан буён тўп суриб келаётган эди. У ўтган давр мобайнида жами 60 та ўйинда иштирок этди ва ўз ҳисобига 17 та гол ҳамда 12 та голли узатма ёздириб қўйишга эришди.